Da u divinu à l’umanu
Corse-Matin du mercredi 7 avril 2021
U Nutiziale : u vostru misincu d’infurmazione in lingua corsa
Speluncatu Custruitu in u 1621 u cunventu hè oghje a pruprietà di a famiglia Poli
J.-F.PACELLI
U cunventu di Speloncatu, pruprietà di a famiglia Poli, d’aprile di u 2021 PIERRE RIDOLFI
U cunventu di Speloncatu festighjeghja quist’annu i so 400 anni. I frati Cappuccini, ghjunti in Corsica in u 1540, averianu attaca-tu à so custruzione à a fine di u XVI esimu seculu. Stu cunventu franciscanu hè statu compiu in u 1621.
Tre seculi dopu, finita à a seconda guer-ra mundiale, stu bastimentu di petra è di è calcina si n’andava di male. Hè diventatu pruprietà di u patrone di a marca Hermès, Jean-René Guerrand. Hà messu i soldi per rifà u tettu è incatenà i muri. Altrimente, u cunventu cascava in ruvina.
In u 1992, dopu à parechj’anni di discuzio-ni, Guerrand hà ventutu u locu à un paisanu di Speloncatu, Jean-Dominique Poli, prufes-sore d’università oghje à a ritirata. Incu à so moglia Ewa è u so fratellu Jean-Pierre, anu passatu 30 anni di a so vita à intratenne è rifà di novu stu cunventu di 800 metri quadrati.
« I travagli un pientanu mai, custateghja Jean-Dominique Poli. Aghju circa 400 metri quadrati à intratene è u mio fratellu n’hà quante mè.
« Quandu simu ghjunti quì, ci eranu i muri è un tettu chì pigliava l’acqua. Avemu rifatu tuttu, da a cima à u fondu. Ci hè un pruverbiu di l’Egitta chì dice : ‘quandi a casa hè finita, si more u patrone’. Ma à mio casa un hè ancu à compie. »
Ewa Poli è u so figliolu Nicolas anu pos-tu l’intrapresa familiale indè un ale di u cunventu. S’incarigheghjanu, incu i so quatru impiecati, di a restorazione di u patrimoniu religiosu. Eccu chì e pitture è e stattule di a Corsica sana facenu un’affacata indè u cunventu di Speloncatu, per esse rifate di novu.
U cuventu di Speloncatu, ch’hà connisciu-tu i genovesi è vistu nasce Pasquale-Paoli, hè oghje salvatu grazie à l’iniziativa privata. Quatru centu anni di storia sò incalcati indè i so muri. Seria statu un peccatu di vede li cascà in terra.
